സിനിമയിലേക്കു തിരിച്ചു വരുമെന്നുള്ള ശക്തമായ അഭ്യൂഹങ്ങള്‍ക്കിടെ സ്വന്തം വെബ്‌സൈറ്റുമായി നടി മഞ്ജു വാര്യര്‍ ഓണ്‍ലൈനില്‍ സാന്നിധ്യമറിയിക്കുന്നു. www.manjuwarrier.com എന്ന വെബ്‌സൈറ്റില്‍ തിരഞ്ഞാല്‍ മഞ്ജുവിന്റെ പുതിയ വിശേഷങ്ങളും വാര്‍ത്തകളും അറിയാം. മമ്മൂട്ടി, മോഹന്‍ലാല്‍ തുടങ്ങിയ മുന്‍നിര നായകര്‍ക്കുശേഷമാണ് സ്വന്തം വെബ്‌സൈറ്റുമായി മഞ്ജുവാര്യരും രംഗത്തുവരുന്നത്.
ഏറ്റവും പുതിയ ഫോട്ടോഷൂട്ടുകള്‍, ഷൂട്ടിംഗ് രംഗങ്ങളിലെയും സ്വകാര്യ ജീവിതത്തിലെയും അപൂര്‍വ്വ ഫോട്ടോഗ്രാഫുകള്‍ തുടങ്ങിയവയാകും തുടക്കത്തില്‍ മഞ്ജു വിന്റെ സൈറ്റിലെ ഉള്ളടക്കം. അന്താരാഷ്ട്ര ഏജന്‍സിയായ സി എ മീഡിയ ആണ് മഞ്ജുവിന് വേണ്ടി വെബ്‌സൈറ്റ് തയ്യാറാക്കുന്നത്. അഭിനയത്തോട് വിടപറഞ്ഞ ശേഷം നര്‍ത്തകിയായി തിരിച്ചുവന്ന മഞ്ജുവിന്റെ നൃത്തരംഗത്തെ ചിത്രങ്ങളും വെബ്‌സൈറ്റില്‍ ഉണ്ടാകും. അമിതാഭ് ബച്ചനൊപ്പം കല്യാണ്‍ ഗ്രൂപ്പിന്റെ പരസ്യചിത്രത്തില്‍ മഞ്ജുവാര്യര്‍ അഭിനയിക്കുന്നു എന്ന വാര്‍ത്ത പുറത്തുവന്നതോടെ സിനിമയിലേയ്ക്കും തിരിച്ചെത്തും എന്ന അഭ്യൂഹത്തിന് ശക്തി ഏറിയിരിക്കുകയാണ്. സിനിമാലോകത്തിലേക്ക് തിരിച്ചെത്തിയില്ലെങ്കിലും മഞ്ജുവാര്യരെ ഓണ്‍ലൈനിലൂടെയെങ്കിലും കാണാന്‍ പറ്റുമല്ലോ എന്ന സന്തോഷത്തിലാണ് ആരാധകര്‍
മഞ്ജു ഇനി ഓണ്‍ലൈന്‍
Date:
More like thisRelated
ഹൃദയാരോഗ്യത്തിന് യോഗ
ജീവിതശൈലി രോഗങ്ങളില്‍ മുന്‍പന്തിയില്‍ നില്‍ക്കുന്നത് ഹൃദയസംബന്ധമായ പ്രശ്‌നങ്ങളാണ്‌. നമ്മുടെ ശരീരത്തില്‍ ശക്തമായ പേശികള്‍ കൊണ്ട് നിര്‍മിക്കപ്പെട്ടിരിക്കുന്ന അവയവങ്ങളിലൊന്നാണ് ഹൃദയം. മിനിറ്റില്‍ 72-80 തവണ വരെ ഹൃദയം മിടിക്കുന്നു. അതായത് ഒരു ദിവസം ഏകദേശം ഒരു ലക്ഷം തവണ! രക്ത ധമനികളില്‍ കൊഴുപ്പ് അടിഞ്ഞു കൂടുന്നത് ഹൃദയത്തിന്റെ ജോലിഭാരം വര്‍ധിപ്പിക്കുകയും ഹൃദയ പേശികളെ തളര്‍ത്തുകയും ചെയ്യും. ഭാരതീയസംസ്‌കാരം ലോകത്തിന്‌ നല്‍കിയ യോഗ എന്ന ജീവിതചര്യ ഹൃദായാരോഗ്യത്തിന് ഉല്‍കൃഷ്ടമാണ്. യോഗാസനങ്ങള്‍ പരിശീലിക്കുമ്പോള്‍ കുറഞ്ഞ പേശീപ്രവര്‍ത്തനങ്ങള്‍ നടക്കുന്നതിനാല്‍ ഹൃദയപ്രവര്‍ത്തനങ്ങള്‍ വിശ്രമാവസ്‌ഥയിലാവുകയും ഹൃദയമിടിപ്പ്‌ നിയന്ത്രണാധീനമാവുകയും ചെയ്യുന്നു. പേശീപ്രവര്‍ത്തനങ്ങള്‍ കുറയുമ്പോള്‍ കാര്‍ബണ്‍ഡയോക്‌സൈഡിന്റെ ഉല്‍പാദനം താഴുകയും മാനസിക സംഘര്‍ഷം കുറയുകയും ചെയ്യുന്നു.
കുട്ടികള്‍ക്ക് ഭക്ഷണം നല്‍കുമ്പോള്‍ ശ്രദ്ധിക്കേണ്ട കാര്യങ്ങള്‍
ഏറ്റവും ഊര്‍ജസ്വലമായ സമയമാണ് കുട്ടിക്കാലം. ഓട്ടവും ചാട്ടവും കളികളുമൊക്കെയായി കുട്ടികള്‍ എപ്പോഴും...
മഴയെത്തി പോളിയെസ്റ്റര്‍ സാരികളും
മഴക്കാലമെത്തിയതോടെ പഴമയുടെ പ്രൗഢിയുമായി പോളിയെസ്റ്റര്‍ സാരികളും എത്തിക്കഴിഞ്ഞു. നനഞ്ഞാലും വേഗം ഉണക്കിയെടുക്കാം...
മണ്‍സൂണ്‍ ഫാഷന്‍
മഴക്കാലമിങ്ങെത്തിക്കഴിഞ്ഞു. നനഞ്ഞ വസ്ത്രങ്ങളും, ചെളിപുരണ്ട കാലുകളും, കുതിര്‍ന്നിളകിയ മേയ്ക്കപ്പുമൊക്കെയായി ഫാഷന്റെ നിറം...