ഓണത്തിനണിയാന്‍ ഡിസൈനര്‍ സെറ്റ് സാരികള്‍

Date:

ഓണത്തിന് അണിയേണ്ടത് ഏതു തരത്തിലുള്ള വസ്ത്രങ്ങളാണെന്ന കാര്യത്തില്‍ ആര്‍ക്കും ഒരു കണ്‍ഫ്യൂഷന്‍ ഉണ്ടാകാനിടയില്ല.  സ്ത്രീകള്‍ക്കു സെറ്റ് സാരി , പെണ്‍കുട്ടികള്‍ക്ക് കസവു പാവാടയും ബ്ലൌസും , പുരുഷന്മാര്‍ക്ക് കസവു മുണ്ടും ഷര്‍ട്ടും. കാലം എത്ര മാറിയാലും , ഫാഷന്‍ എത്ര മാറി വന്നാലും ഓണക്കാലത്ത് ഇതിന് യാതൊരു മാറ്റവും ഉണ്ടാവുകയില്ല. ജോലി സ്ഥലത്തെ ഓണാഘോഷങ്ങളിലും , റെസിഡന്റ് അസോസിയേഷനുകളുടെയും ക്ലബ്ബുകളുടെയും ഓണാഘോഷങ്ങളിലുമെല്ലാം സെറ്റ് സാരികളുടെ വെറൈറ്റികളിലാണ് സുന്ദരിമാര്‍ തിളങ്ങുന്നത്. കസവു കരയുടെ വലിപ്പത്തിലും കസവില്‍ തീര്‍ത്ത ഏതാനും ചില ഡിസൈനുകളിലും മാത്രം ഒതുങ്ങി നിന്നിരുന്ന സെറ്റുസാരികള്‍ ഫാബ്രിക് പെയിംന്റിംഗിന്റെ വരവോടെ പുതിയ മാനങ്ങള്‍ തീര്‍ക്കുകയാണ്.

സെറ്റു സാരികളെ ആകര്‍ഷണീയമായ ഡിസൈനര്‍ സാരികളാക്കുന്നത് കേരള ട്രഡീഷണല്‍ മ്യൂറല്‍ പെയിന്റിംഗ്സ് ആണ്. ചുവര്‍ ചിത്രകലാ രീതിയില്‍ കേരളത്തനിമയുമായി ബന്ധപ്പെട്ടു കിടക്കുന്ന ചിത്രങ്ങള്‍ സെറ്റ് സാരികളില്‍ പതിപ്പിച്ചു കഴിയുമ്പോള്‍ എല്ലാ കണ്ണുകളും അതു ധരിച്ചിരിക്കുന്ന സുന്ദരിയില്‍ ആയിരിക്കുമെന്ന് പ്രത്യേകം പറയേണ്ടതില്ലല്ലോ. ഓണക്കാലത്ത് ആഘോഷങ്ങളില്‍ തിളങ്ങാന്‍ ഡിസൈനര്‍ സെറ്റ് സാരികള്‍ അന്വേഷിച്ച് എത്തുന്നവര്‍ ഏറിയിരിക്കുകയാണ്.  മലയാളിയുടെ സംസ്കാരവുമായി ബന്ധപ്പെട്ടു കിടക്കുന്ന മയില്‍, കഥകളി, ആലിലയും ഓടക്കുഴലും, വള്ളം കളി തുടങ്ങീ ഡിസൈനുകള്‍ക്കാണ് ആവശ്യക്കാരേറെയുള്ളത്. ചുവര്‍ചിത്ര ശൈലിയില്‍ ഫാബ്രിക് പെയിന്റ് ഉപയോഗിച്ച് സാരികളില്‍ വരയ്ക്കുകയാണ് ചെയ്യുന്നത്. ചുവര്‍ചിത്ര രചനയില്‍ ഉപയോഗിക്കുന്ന ചുവപ്പ് , പച്ച , നീല , മഞ്ഞ , വെള്ള , കറുപ്പ് എന്നീ  ആറു നിറങ്ങളുടെ വ്യത്യസ്ത ഷേഡുകള്‍ മാത്രമേ സാരികളിലെ മ്യൂറല്‍ പെയിന്റിംഗിനും ഉപയോഗിക്കുകയുള്ളൂ.  ഫാബ്രിക് പെയിന്റ് ഉപയോഗിച്ച് വൈറ്റ് ബേസ് കൊടുത്ത ശേഷം പെയിന്റു ചെയ്യുന്ന രീതിയാണ്  അവലംബിക്കുന്നത്. ഇത് ചിത്രങ്ങള്‍ക്ക് കൂടുതല്‍ മിഴിവ് നല്‍കും.

സെറ്റുസാരികളില്‍ ചെയ്യുന്നതാണ് ഓണക്കാലത്തെ ട്രെന്‍ഡ് എങ്കിലും ഏതു തരം മെറ്റീരിയലിലും മ്യൂറല്‍ ഡിസൈനുകള്‍ ചെയ്യാവുന്നതാണ്. ഡിസൈനര്‍ സാരിയോടൊപ്പം അതിനു യോജിച്ച ടെറക്കോട്ട ഡിസൈനര്‍ ഓര്‍ണമെന്റ്സ് കൂടി അണിഞ്ഞു കഴിയുമ്പോള്‍ മറ്റു ഫാഷനുകള്‍ നാണിച്ചു മാറി നില്‍ക്കും എന്ന കാര്യത്തില്‍ സംശയം വേണ്ട.

designer-bottom

Swapna
Swapna
പേര് സ്വപ്ന ബോബി , അറിയപ്പെടുന്ന കരകൌശല വിദഗ്ദ്ധയും , മ്യൂറല്‍ പെയിന്ററും. സ്വപ്നം കളക്ഷന്‍സ് എന്ന ഡിസൈനര്‍ വെയര്‍ ബ്രാന്‍ഡിന്റെ പ്രൊപ്രൈറ്റര്‍ . കേരളാ ആര്‍ട്ടിസാന്‍സ് ഡെവലപ്പ്‌മെന്റ് കോര്‍പ്പറേഷന്റെ ആര്‍ട്ടിഫിഷ്യല്‍ ജൂവലറി മേക്കിംഗ് ട്രെയിനര്‍ കൂടിയാണ് സ്വപ്ന. ഫെമിന്‍ വേള്‍ഡ് കൊണ്‍‌ട്രിബ്യൂട്ടര്‍

Share post:

Subscribe

spot_imgspot_img

Popular

More like this
Related

ഹൃദയാരോഗ്യത്തിന് യോഗ

ജീവിതശൈലി രോഗങ്ങളില്‍ മുന്‍പന്തിയില്‍ നില്‍ക്കുന്നത് ഹൃദയസംബന്ധമായ പ്രശ്‌നങ്ങളാണ്‌. നമ്മുടെ ശരീരത്തില്‍ ശക്‌തമായ പേശികള്‍ കൊണ്ട് നിര്‍മിക്കപ്പെട്ടിരിക്കുന്ന അവയവങ്ങളിലൊന്നാണ് ഹൃദയം. മിനിറ്റില്‍ 72-80 തവണ വരെ ഹൃദയം മിടിക്കുന്നു. അതായത് ഒരു ദിവസം ഏകദേശം ഒരു ലക്ഷം തവണ! രക്ത ധമനികളില്‍ കൊഴുപ്പ് അടിഞ്ഞു കൂടുന്നത് ഹൃദയത്തിന്റെ ജോലിഭാരം വര്‍ധിപ്പിക്കുകയും ഹൃദയ പേശികളെ തളര്‍ത്തുകയും ചെയ്യും. ഭാരതീയസംസ്‌കാരം ലോകത്തിന്‌ നല്‍കിയ യോഗ എന്ന ജീവിതചര്യ ഹൃദായാരോഗ്യത്തിന് ഉല്‍കൃഷ്ടമാണ്. യോഗാസനങ്ങള്‍ പരിശീലിക്കുമ്പോള്‍ കുറഞ്ഞ പേശീപ്രവര്‍ത്തനങ്ങള്‍ നടക്കുന്നതിനാല്‍ ഹൃദയപ്രവര്‍ത്തനങ്ങള്‍ വിശ്രമാവസ്‌ഥയിലാവുകയും ഹൃദയമിടിപ്പ്‌ നിയന്ത്രണാധീനമാവുകയും ചെയ്യുന്നു. പേശീപ്രവര്‍ത്തനങ്ങള്‍ കുറയുമ്പോള്‍ കാര്‍ബണ്‍ഡയോക്‌സൈഡിന്റെ ഉല്‍പാദനം താഴുകയും മാനസിക സംഘര്‍ഷം കുറയുകയും ചെയ്യുന്നു.

കുട്ടികള്‍ക്ക് ഭക്ഷണം നല്‍കുമ്പോള്‍ ശ്രദ്ധിക്കേണ്ട കാര്യങ്ങള്‍

ഏറ്റവും ഊര്‍ജസ്വലമായ സമയമാണ് കുട്ടിക്കാലം. ഓട്ടവും ചാട്ടവും കളികളുമൊക്കെയായി കുട്ടികള്‍ എപ്പോഴും...

മഴയെത്തി പോളിയെസ്റ്റര്‍ സാരികളും

മഴക്കാലമെത്തിയതോടെ പഴമയുടെ പ്രൗഢിയുമായി പോളിയെസ്റ്റര്‍ സാരികളും എത്തിക്കഴിഞ്ഞു. നനഞ്ഞാലും വേഗം ഉണക്കിയെടുക്കാം...

മണ്‍സൂണ്‍ ഫാഷന്‍

മഴക്കാലമിങ്ങെത്തിക്കഴിഞ്ഞു. നനഞ്ഞ വസ്ത്രങ്ങളും, ചെളിപുരണ്ട കാലുകളും, കുതിര്‍ന്നിളകിയ മേയ്ക്കപ്പുമൊക്കെയായി ഫാഷന്റെ നിറം...