Homeഓണസദ്യഅവിയല്‍

അവിയല്‍

ഏതു സദ്യയിലും ശരിക്കും ‘ഹീറോ’ അവിയല്‍ ആണ്. കേരളീയ സദ്യയിലെ ഒഴിച്ചുകൂടാനാവാത്ത ഒരു വിഭവമാണിത്. അവിയലിനു പല പ്രാദേശിക ഭേദങ്ങളുമുണ്ട്. പാലക്കാടന്‍ രീതിയിലുള്ള അവിയല്‍ ഉണ്ടാക്കുന്ന രീതിയാണ് ഇവിടെ വിവരിക്കുന്നത്.

ചേരുവകള്‍ :
മിക്സഡ് വെജിറ്റബിള്‍സ് – 2 കപ്പ് (സാധാരണയായി അവിയലിൽ ചേർക്കുന്ന പച്ചക്കറികൾ നേന്ത്രക്കായ, ചേന, ഉരുളക്കിഴങ്ങ്, പയർ, പടവലങ്ങ, വെള്ളരിക്ക, മുരിങ്ങക്ക, കാരറ്റ്, വാഴക്ക, കുമ്പളങ്ങ, മത്തങ്ങ, മുരിങ്ങക്ക, പടവലങ്ങ, ബീൻസ് എന്നിവയാണ്.  അവിയലിനായി നീളത്തിലാണ് പച്ചക്കറികള്‍ അരിയേണ്ടത്.)
തേങ്ങ ചിരവിയത് – 1 കപ്പ്
പച്ചമുളക് – 5 എണ്ണം
തൈര് – 1 കപ്പ്
മഞ്ഞള്‍പ്പൊടി – 1 സ്പൂണ്‍
ഉപ്പ് – പാകത്തിന്

തയ്യാറാക്കുന്ന വിധം :
പച്ചക്കറികള്‍ മഞ്ഞള്‍പ്പൊടിയും ഉപ്പും ചേര്‍ത്ത് അരക്കപ്പ് വെള്ളത്തില്‍ അഞ്ചു മിനിട്ടോളം വേവിക്കുക. പച്ചക്കറികള്‍ അധികം വേവേണ്ട ആവശ്യമില്ല. പാതി വേവ് ധാരാളം മതി. തേങ്ങ ചുരണ്ടിയതും, പച്ചമുളകും, തൈരും കൂടി മിക്സിയില്‍ ചെറുതായി ഒന്ന് അടിച്ചെടുക്കുക. ഈ കൂട്ട് പച്ചക്കറിയില്‍ ചേര്‍ത്ത് മൂന്നു മിനിട്ട് തിളപ്പിക്കുക. പച്ചമണം മാറി വരുമ്പോള്‍ കറിവേപ്പില ചേര്‍ത്ത് വെളിച്ചെണ്ണയില്‍ താളിച്ചെടുക്കുക.

Vinitha
Vinitha
പേര് വിനിത രാജീവ്. പാലക്കാട് സ്വദേശം. കുക്കിംഗ് ഹോബിയും പാഷനും, Vini's Kitchen എന്ന ഫേസ്ബുക്ക് പേജില്‍ ആയിരക്കണക്കിന് ആരാധകര്‍ ഉണ്ട് വിനിതയുടെ പാചകക്കുറിപ്പുകള്‍ക്ക്. ഫെമിന്‍ വേള്‍ഡ് കോണ്‍ട്രിബ്യൂട്ടര്‍

Must Read